احمد اسكندر M-Plus The Don AKA
Welcome To ElSo7bagya Proudaction

احمد اسكندر M-Plus The Don AKA

Ahmad Askandr AKA M-Plus The Don . Arabian Egyptian Underground MC , born N raised in Alexandria, Egypt was always in an internal struggle of improvin' himself in his City Alexandria
 
الرئيسيةالتسجيلدخول

شاطر
 

 تـنـهـيـده | Tanheda

اذهب الى الأسفل 
كاتب الموضوعرسالة
Admin
Admin


عدد المساهمات : 72
تاريخ التسجيل : 11/01/2011

تـنـهـيـده | Tanheda Empty
مُساهمةموضوع: تـنـهـيـده | Tanheda   تـنـهـيـده | Tanheda Emptyالسبت ديسمبر 22, 2018 10:01 am

تـنـهـيـده | Tanheda

●▬▬▬▬▬▬▬▬ஜ۩۞۩ஜ▬▬▬▬▬▬▬▬●

ومع دخاني كالعاده و فنجال قهوتي الساده
بكتب يوميات حياتي بدمي للافاده
و حبر قلمي عالورق يا ريتو يغير حاجه
شكيت كتير بكيت بضمير لقيت منهم شماته

بتنهد الف تنهيده و النفس جواه عنيده
مبسوط ولا مخنوق ما الحاله بردو لسه كئيبه
توب الهموم ديما لابسني ما بليد حيله
منين بروح ديما جروح تدبحني و هي سعيده

انا كنت فحالي مرضي عايش بقدي وقتي
اقع و اقوم انفض الهدوم و امشي لوحدي
عايش بطولي اخبط فلحطان ملقتش رحتي
نسيت كرمتي كتير لحد فيوم ما خلصت طقتي

قلعت هدمه الاحزان عادي قدام الناس
ماهي مبقتش فارقه تكون عريان او بلباس
خرف و هرتل عيش مع الخيال و انسا الاساس
اوهم نفسك انك احسن من غير ما يكون ليك احساس

جرب تضحك وقت حزنك و اشرب قهوه في كاس
وحط ودنك علي بوقك و بتسمع فلانفاس
اشرب فلقهوه و اعمل انك منها قاعد تهلوس
واعمل فيها انك بتخرف و حياتك ماشيه كويس

وكل الناس بتحبك و الدنيا ذكرت اسمك
و قلبك لسه سليم و الفوبيا راحت منك
بتعوم فبحر حريم و حببتك جت رجعتلك
و رتبه و ليك تعظيم و الناس بتخاف من هبتك

عيش انسان من غير تقيم انت اللي تحدد سعرك
بس اوعي القهوه تخلص الواقع يكفيك علي وشك
خليك برنس نفسك اقتل اللي منهم بيعك
عيش دي الدنيا ملكك فكك من اللي منهم بيعك

داري منهم مشاعرك و ادلهم لو صانوها
احرقهم بابتسمتك و اخسرهم لو عابوها
ادلهم علي قد ما تاخد منهم علشان يقدروها
الرخيص بقي غالي لما بيلاقي اللي يشتروها

وزعلك يبقي بتمن و دموعك تبقي بتمن
متحبش اللي خانك خلي فحضنك اللي ياتمن
لا تصدق الكلام دور عالشخص اللي يضمن
سيب الدنيا تجبلك حقك من اللي رماك للزمن

ده انا ياما شوفت و دوقت و الدنيا تشيل و تحط
و عرفت ناس من غير ضمير ياما فيا تعض
و السبب ده كان الندم بيوجعني من اثر البعد
و قسوه الايام و انا ماشي لوحدي كانت تخد

و لقيت انا قلبي مرمي وسط السكه قولت اشده
و اظبوط حالي عشان اللي يجي يمكن اعرف احبه
و انسا اللي فات عشان اللي جاي يمكن احسن منه
و ارمي الماضي و اللي كانو فيه معادوش يودو

عزز نفسك لو انت اللي ديما شاري لاكن متباع
ابعد نفسك لو مش محبوب منتش قد الاوجاع
و اعمل اللي عليك لاخر سبلوهم الابداع
ولو ملقتش منهم تقدير ارحل باقتناع

بحسبها بلتقني عشان اعيش بعدين متهني
و اللي مبيشبهنيش مبيلزمنيش بيبعد عني
و اللي كنت بحبو بس لسانو مره هني
بشيلو من حياتي لو تفكيره مره خاني

و لازم تبقي عارف طريقك تمشي في لوحديك
امشي بسرعه مد فرجلك وسع بين خطاويك
و متستناش الحاجه اللي راحت ترجع تاني ليك
و ديما بص لمستقبلك هو اللي مستنيك

انا ببني و انت تهد انا بفتح و انت تسد
انا بتعشم فالنجاه و انت عاوز معناه
انا سبت العالم كله عشان لسه متعلق بيك
مع ان جوايه رافض اني ارجع تاني ليك

و هتلي حب برغم البعد يزيد بنا ميقلش
و هتلي حضن في عز الخوف يطمني ميملش
و هتلي حد يداوي جراحي مع السنين متلمش
و هتلي صاحب وقت الجد راجل مابيفلش

بقيت انا حابب اعيش انا ساكت راسم الضحكه فوشي
و رافض احكي انا ايه مشكلتي عشان ملقيش معلشي
و اللي ارتحتلها و روحت احكلها كانت تسبني و تمشي
و صحبي اللي مني جالي قالي انسالي جواك متشلشي

يمكن مش احسن واحد طبيعي جدا اكون معيوب
بعمل كتير ذنوب و اقبل ما انام عنها بتوب
و اللي بيشوفني من بعيد يقول مليان برود
و اللي يقربلي و يجي يعرفني بكون عنده محبوب

كل ما احاول ابذل جهد فحب قلبي يكسل
فشلت فمعظم العلاقات عشان معرفتش امثل
و مش محبوب انا منهم عشان لساني مش بيلسن
و اللي مبيعجبنيش بجيلو عالدوغري و مش بعسل

دي خانقه ملفوفه فكيس و الحلق مليان دبابيس
وكل محاول اوصل للي بحبو بلاقي تعجيز
و نفسي طالع تقطيع و العمر بيجري و يضيع
و كل حاجه ضيقتني ده كان وجعها شئ فظيع

عايش علي حته نبض زي لعب اطفال بظبط
قلبي شغال ببطاريه عشان يقضي الوقت
صحاب كتير احباب قليل فلاخر انا اتاثرت
و اللي ولا مره فرقت معاه الفرقه و انا اتكسرت

بالقسوه انا اتحدفت ولسه واقف في مكاني ثابت
الدنيا شالت و حطت و بردو لسه معها معاند
تعدل معايا للاخر يا حفضل طول العمر رافض
ولو الكلام مبقاش ده منو فايده انا حفضل ساكت

داوي جروحك انت بروحك متستناش انسان
الدنيا ملهاش امان الرحمه ماتت من زمان
جرحك لو انت ملمتهوش بلاش متفتحهوش
و اللي يقربلك و عامل خايف عليك متحبهوش



●▬▬▬▬▬▬▬▬ஜ۩۞۩ஜ▬▬▬▬▬▬▬▬●

https://www.youtube.com/user/MrMpluss

https://soundcloud.com/ahmad-askandr

●▬▬▬▬▬▬▬▬ஜ۩۞۩ஜ▬▬▬▬▬▬▬▬●
FB Group :

https://www.facebook.com/home.php?sk=group_145868418819719

●▬▬▬▬▬▬▬▬ஜ۩۞۩ஜ▬▬▬▬▬▬▬▬●
الرجوع الى أعلى الصفحة اذهب الى الأسفل
http://mplus.hooxs.com
 
تـنـهـيـده | Tanheda
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احمد اسكندر M-Plus The Don AKA :: M-Plus :: Lyrics-
انتقل الى: